Хоёр тэнгэрийн элч дэлхий рүү буун хүний ертөнцөөр аялахаар шийджээ. мэдээж жирийн хүний дүрээр аялаж эхэлцгээв гэнэ. явж явж орой болохоор хотын хамгийн сайхан харшийн үүдийг тогшин хонох зөвшөөрөл эрж гэнэ. Гэрийн эзэд зочдийг ярвайн угтаж хоолоор ч дайлалгүй тохилог халуун зочдийн өрөөний оронд харанхуй чийгтэй зоорь руу оруулан *Шөнийг өнгөрөөчихөөд өглөө эрт яваарай гэжээ* Нимгэн дэвсгэрээ хүйтэн шалан дээр дэвсэн хэвтэх гэж байтал насаар ахмад тэнгэрийн элч нь зоорины хана нурах дөхсөнийг анзаарчээ. хуучин хананд гараа хүргэтэл тэр нь тэр даруй шинэхэн өрсөн мэт бат бөх болов. Залуу тэнгэрийн элч учрыг асуутал бүх зүйл цаанаа нарийн утга учиртай , үйл явдлыг зөвхөн өнгөн талаас нь бүү хар* гэв.
Маргааш орой нь хоёр тэнгэрийн элч хөдөөний нэгэн айлаас хонох зөвшөөрөл эрэхээр хаалгыг нь тогшив. Тэр айл амжиргааны ганц үнээтэй , түүнийхээ сүүг саан хотод аваачин зарж амь зуудаг айл байлаа. Гэрийн эзэд даруухан гэртээ гийчдийг оруулан ядуувтар ширээндээ урьж суулгаад хамаг байдгаараа дайлжээ. Унтах цаг ирэхэд гэрийн эзэгтэй * Та бүхэн хол газраас ирсэн явуулын хүмүүс . Орон дээр унтагтун . Бид нар энүүгээр учраа олоод унтачихна хэмээн дулаахан сайхан ор засч өгч гэнэ. Нар мандаж өглөө эрт болж хоёр зочин сэрэхэд гэрийн эздийн үнээ үхсэн хэвтэж байв гэнэ. Эхнэр, нөхөр хоёрын цөхрөнгөө баран уйлж суухыг харсан залуу тэнгэрийн элч ахмаддаа уурлан / Өнгөрсөн шөнийн айл баян мөртлөө биднийг тээршааж байхад та тэдний хуучин ханыг засчихаад , энэ эхнэр нөхөр биднийг тав тухтай байлгах гэж хамаг байдгаараа хичээн байхад ийм сайхан хүмүүсийн ганц үнээг яагаад үхүүлэв* гэлээ. Ахмад элч Хүү минь аливаа зүйл заавал өнгөн талдаа харагдаж байгаа шигээ байх албагүй гэв. *Таны юу гэх гээд байгааг би сайн ойлгосонгүй . Тэгээд ямар учиртай юм* хэмээн залуу нь мөн л ууртай асууж гэнэ. Ахмад * Аливаа зуйл заавал өнгөн талдаа харагдаж байгаа шигээ байх албагүй* гэж давтан хэлээд * Өнгөрсөн шөнийн айлийн нурах дөхсөн хананы цаана олон жилийн өмнө нуусан алт, эрдэнэс байсан юм. Тэр хүмүүс баян цатгалан ч харамч хомхой улс байсан учраас тэр эрдэнэсийг авах эрхгүй байсан юм . Тийм учраас нурах дөхсн ханыг зассан. Харин өнгөрсөн шөнө эрлэгийн элч энэ айлын эхнэрийг авахаар ирэхэд би эзэгтэйн амины оронд үнээний амийг авахыг санал болгосон. хэрвээ тэгээгүй байсан бол өнөө өглөө айлын эзэгтэй байхгүй байсан * хэмээн талбарлажээ. заримдаа золгүй муу явдал мэт харагдах зүйлийн цаана өөр утга агуулагдаж байж болох юм.
No comments:
Post a Comment